أتصل بيه قوله إوعى تنزل غير لما أفوت عليك وطبعا هو مش هيشوف وشك
يرن عليك نفض يتصل بيك نفض سيبه لحد مايطق وينزل لوحده
طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت
وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه
واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا
حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر
المهم أفضل أستفزه لحد ماتطير النوم من عينه
لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية
خليه يحس إنه واقف فى مولد مش عارف الكلام جى منين بالظبط
دبس صحبك فى كل حاجة مثلا فى مواصلات أو فى كافيه أو فى سينما
أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه
أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس
خليه مش فاضل غير بعد كده ياخد مصروف ليه وليك
لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر
وأول ما حد يتصل قولهم لا والله هو تحت مش عندى وقوله يعنى أنت عايزنى أكدب
قال يعنى الإيمان مقطع بعضه وصادق فى كله جت على دى
لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة
قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده
قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه
ويكبسوا على نفسه طول السنة
ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا
يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة
خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا
صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته
الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى
والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى
خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره
لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين
لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص
ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول
قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده
أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى
وما شاء الله عليك كده هتبقى بتحطه فى موقف أرذل من التانى
وهيبقى ربنا يصبره وممكن يدخل الجنة بسبب عمايلك دى
مش دي رزاله برضه؟
ولا أيه؟
أضف تعليقا
من مصر
اولا خدى عند يا.....الصداقة فى اليومين دول عملة نادرة وصعبة لان الصديق ربما يكون اخا لم تلدة امك فيعرف ازاى اقول لك اذاخدمتة صانك وان صاحبتة زانك وان استعنت بة عانك واذا مددت يدك بالخير مدها وان راى منك حسنة عدها وان راى سيئة سدها وان سكت ابتداك واصحب من اذاتنازعتما على شيئا فضلك عتى نفسة انما تقولى ازاى ابقى رزل مع صاحبى يبقى حتى هذة اللحظة لاتعلمى معنى الصداقة وطبعا عمرك مانت عرفة الحب لان الصداقة الصدوقة هى اول خطوات الانسان فى كيفية انتقاء شريكة فى الحياة والانسان السعيد فى حياتة ان يوفق فى الصديق والحبيب لان الانسان يعيش مرة واحدة ويصادق مرة واحدة ويحب مرة واحدة ويكرة مرة واحدة ويموت مرة واحدة على مدى عمرة كلة او يعيش حياة دون ان يعلم شيءا عن الكلام دة والباقى المرة الجاية اذاالكلام عجب
من مصر
ممكن تقولى كمان ازاى تبقى رزل مع صاحب مدونة ودى مش محتاجة شرح لان كل ولد( فاكر انه الولد الشاب الوحيد فى الدنيا) لما يشوف ان صاحبة المدونة بنت هيبعت لها تعليق يقول ممكن اتعرف بحضرتك( شوف الادب) ولو نفضت له يقولها انا اسف جدا انى ضايقتك ( ال يعنى كده هياسرها بادبه وده بيحصل الف خمسمية سبعة وعشرين مليون مرة فى الشات حسب منظمة الصحة النفسية ) وهكذا طبعا انا مش باتريق عليكى انا بس بقولك تفكير الولادس(س الجمع فى محل جر مضاف عليه)
السلام عليكم
تعرض رسولنا الكريم
عليه افضل الصلاه والسلام
لاهانه شديده من قس مصرى
نشر رويه حقيره
وجه فيها الشتائم والافتراءات
للرسول والمسلمين
من النرويج
Hhh.. Bravo.
A5er kawa3d elrzala, lma t7es en 7d rezel awy mat5besh 3leh, 2olo fwesho kda, wlaw kan 3lnet ekteblo 7aga rezla gdan zy: hhh.. Bravo. (no hard feelings walahy bs elshe2 lzom elshe2 wala 2eh...).
أضف تعليقا
<<الصفحة الرئيسية
من مصر
مشكور وفى انتظار النصايح القادمة
على تواصل محمد المازن