سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
فكره بالمواقف بتاعت زمان اللى بتضايقه كلها زى علقة حلوة كده من بابا او ماما
هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب
وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع
قوله هو صحبك وأنا عارف شكله بس معرفش اسمه وخليه ينزل ويطلع على الفاضى
لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا
خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية
لو نايم استخدم اى طريقة عشان تصحيه من النوم وهما كتار ما شاء الله
عشان اللى معندوش خبرة برضه أقولك تعمل أيه
قيد النور كأنك بتدور داخل تدور على حاجة
وشغل أعلى نغمة فى موبايلك كأن حد بيتصل بيك
ومفيش مانع تدور على الحاجة دى تحت المخدة والمرتبة اللى هو نايم عليهم
مش هوصيك بقى وأنت بترفع المخدة اللى عليها راسه عشان تبص تحتها
لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك
لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها
أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم
لو واخد ميعاد من حبيبته يكلمها مثلا على الساعة 10 بالليل كده على النت ولا حاجة
أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة
السبت, 03 مايو, 2008
السلام عليكم ورحمة الله وبركاته
نتابع الجزء الثالث من باب الرزالة ههههههههههههههههههههههههههههههههههههه
طلع عليه اسمه يستفز وناديله بيه يعنى لو جت ناحيته دبانة مرة بالصدفة كده
أضف تعليقا
اضيف في 13 يونيو, 2008 11:11 م , من قبل herolegend
من مصر
من مصر
ايه الرزالة دى دا انا لو ليا اخ وعمل معايا كدة؟ اقل حاجة اعملها فيه ...هيكون الرمى من اعلى مبنى قريب مش بس كدة اجيبوا وعلقوا على اعلى مبنى واكتب عليه (مصير كل رزل هيظهر بعد كدة) خافى على نفسك ..شكلك الدور عليكى
اضيف في 19 يناير, 2009 12:43 ص , من قبل ghada
من مصر
من مصر
بصوا انا عرفه ان الموضوعات دى من باب التهريج بس انتى حاطه افكار والشيطان شاطر زى ما بيقولوا ممكن جدا فى وقت زعل بين اخين يقوم يعمل كده مش من باب التهريج ويقلب الحوار جد وكل الافكار المطروحه اصلا تعمل مشاكل لانها حقيقى تخنق ومش اى حد يتعمل فيه الحوارات دى وهيخد المواقف انه تهريج برئ خصوصا الشباب وسورى لو طولت بس ده رائى تحياتى
اضيف في 26 يناير, 2009 01:09 ص , من قبل shamlola
من مصر
من مصر
يا لهوي على الغتاته
ايه ام الغتاته دي يا ستي
حرااااااااااااااااااااااااام
أضف تعليقا
<<الصفحة الرئيسية
السلام عليكم انا احمد من مصر انا احب ان اضيف هذا التعليق وان ابداء بسؤال
لماذا اختلرتى تعليم الرزاله بالزات؟
هل فى اى حد كان مضيقك فقررتى انك تكونى رزلة معاة او انك تعلمية الادب او انك تعلمى الناس ازاى هما اللى يرزلم على الناس مش الناس هما اللى يرزلم عليهم بس بحق انا عرفت حاجات كانت غيبة شوية عن بالى وانا قررت انى انا اعملها وانا متشكر على انك علمتينى درس وكاد المعلم ان يكون رسولا